Kamakailan ay inanunsyo ng Philippine Deposit Insurance Corp. (PDIC) na nakipag-ugnayan sila sa mga miyembro ng media sa pamamagitan ng pagsasagawa noong Oktubre 3 ng North Luzon run ng “PDIC 101: Understanding Deposit Insurance” na ginanap sa Baguio City.
Sa isang pahayag, sinabi ng state insurer na ang “PDIC 101” ay “isang media education initiative para isulong ang kamalayan sa mahalagang papel ng deposit insurance sa financial system ng bansa.” Idinagdag nito na ang sesyon ay nagsilbing refresher course para sa mga miyembro ng local media sa mga mandato ng PDIC bilang deposit insurer, co-regulator ng mga bangko, at receiver ng mga saradong bangko. Ipinakilala rin nito sa media ang corporate social responsibility (CSR) ng PDIC at mga adbokasiya para sa financial literacy at inclusion.
“Sa pamamagitan ng ‘PDIC 101,’ layunin ng PDIC na makisali sa media at i-tap ang kanilang malawak na network para maabot ang mas maraming stakeholders at mas magkaroon ng kamalayan ang publiko sa proteksyong ibinibigay ng PDIC sa pamamagitan ng deposit insurance,” ang pahayag na inilabas ng ahensya.
Sinabi ng PDIC na dati itong nakipagtulungan sa Philippine Information Agency (PIA) para sa pilot run ng “PDIC 101” noong Hunyo 7 sa Makati City. Sinundan ito ng regional conduct sa Bacolod City noong Agosto 6 sa koordinasyon ng PIA Region 6 at ng Negros Occidental Provincial Information Center.
Samantala, isinagawa ang Mindanao leg ng PDIC 101 noong Setyembre 2 sa Butuan City. Ang pagtutulungan ng PDIC at PIA ay naglalayong ipalaganap ang impormasyon at itaas ang kamalayan sa deposit insurance at ang kahalagahan ng pag-iimpok sa mga bangko.
Bilang state deposit insurer, pinoprotektahan ng PDIC ang mga depositor sa pamamagitan ng pagbibigay ng maximum deposit insurance coverage na P500,000 bawat depositor bawat bangko. Patuloy din itong bumubuo ng Deposit Insurance Fund, ang pangunahing pinagkukunan ng pondo ng PDIC para sa mga pagbabayad ng deposit insurance sa pamamagitan ng maingat na pamamahala ng pondo at pamumuhunan upang higit pang isulong ang kumpiyansa ng depositor.
