Bahagyang tumindi ang Tropical Depression “Gener,” nitong Martes ng hapon at kumikilos pakanluran sa bilis na 30 kilometro bawat oras (kph) sa ibabaw ng West Philippine Sea.
Ayon sa Martes 5 pm bulletin ng Philippine Atmospheric, Geophysical and Astronomical Services Administration (PAGASA), ang sentro ng Gener ay huling tinatayang nasa 235 kilometro kanluran-hilagang-kanluran ng Baguio City.
Malapit sa gitna, taglay nito ang lakas ng hanging aabot sa 55 kph at pagbugsong aabot sa 70 kph.
Tropical cyclone wind signal no. 1 ay itinaas sa kanlurang bahagi ng Pangasinan (Sual, Burgos, Dasol, Mabini, Infanta, Labrador, Bani, Bolinao, Anda, Agno).
Ang tropical depression ay inaasahang lalabas sa Philippine Area of Responsibility (PAR) sa Martes ng gabi o Miyerkules ng madaling araw. Ito ay patuloy na kikilos pakanluran sa ibabaw ng West Philippine Sea para sa natitirang panahon ng pagtataya.
Samantala, ang “Gener” at Tropical Storm “Pulasan” sa labas ng PAR ay patuloy na magpapalakas ng Southwest Monsoon (Habagat), na magdadala ng malalakas na bugso ng hangin sa ilang lugar.
