LUCENA CITY — Dalawang picnicker ang nalunod noong Linggo, Hulyo 21, matapos silang tangayin ng malalaking alon habang sila ay lumalangoy sa karagatang sakop ng bayan ng Tanza sa lalawigan ng Cavite.
Iniulat ng Region 4A police nitong Lunes na sina Danilo Barquio, 50; Henry Barquio, 55; at Jemboy Perez, 25, naligo pagkatapos ng inuman sa isang beach resort sa Barangay Capipisa bandang 9:30 ng umaga
Habang lumalangoy, tinangay ng malakas na agos ang tatlo na pawang mga residente ng Muntinlupa City at kinaladkad sa mas malalim na bahagi ng dagat.
BASAHIN: Lalaki, nalunod sa Cavite sa birthday party ng apo
Nailigtas sila at isinugod sa ospital.
Idineklarang dead on arrival sina Danilo at Henry.
Nanatiling naka-confine si Perez para sa karagdagang paggamot.
